Türkiydə tikinti şirkətlərinin səhmləri Suriyanın yenidənqurulması ümidləri ilə bahalaşır
Türkiyənin tikinti sahəsi ilə bağlı səhmləri, xüsusən sement və polad istehsalçıları, Suriyadakı Bəşər Əsəd rejiminin sürətlə çökməsindən sonra Suriyanın yenidən qurulmasında bu şirkətlərin mühüm rol oynayacağına dair investor gözləntiləri ilə yüksəlib.
Banker.az Bloomberg-ə istinadən xəbər verir ki, Türkiyə Silahlı Qüvvələrinin Pensiya Fonduna məxsus "Oyak Çimento" İstanbul birjasında 9.9% artaraq 20.92 liraya yüksəldi.
Təcili xəbərlər üçün bizi WhatsApp kanalından izlə
– Sement istehsalçısı və Sabancı Holdinqin əsas sahibi olduğu "Çimsa" 10%-ə qədər bahalaşdı.
– Polad istehsalçısı "İsdemir" və sement istehsalçısı "Limak Doğu Anadolu Çimento" hər ikisi 10% artış göstərdi.
"Sənayemiz yerindəki yeni vəziyyətə səmərəli şəkildə uyğunlaşa bilər," deyə Türk Sement Sənayesi Assosiasiyasının rəhbəri Fatih Yücelik bildirib. O əlavə edib ki, üzv şirkətlər Suriyada vəziyyət sabitləşdikdən sonra yenidənqurma səylərinə yardım etməyə tam hazırdır.
Ankarada bir qrup səfirlə görüşdə Türkiyənin xarici işlər naziri hakan Fidan, Türkiyənin "suriyalıların təhlükəsiz və könüllü şəkildə geri qayıdışını təmin etmək və ölkənin yenidən qurulması üçün" işlərini davam etdirəcəyini bildirib.
Dünya Bankının 2022-ci ilin sonunda dərc etdiyi bir araşdırmaya görə, 2011-ci ildə başlayan vətəndaş müharibəsindən sonra Suriyanın şəhərlərinə və sənayesinə dəyən zərərin miqdarı təxminən "11.4 milyard dollar" həcmində qiymətləndirilir. Bu məbləğin üçdə ikisindən çoxu fiziki infrastrukturun məhv olmasına aiddir.
