"İstilikenerjitikintiquraşdırma"dan ayrılma baş verir - YENİ ŞİRKƏT YARADILACAQ
12 dekabr 2024-cü il tarixdə "İstilikenerjitikintiquraşdırma" ASC səhmdarlarının növbədənkənar ümumi yığıncağı keçiriləcək.
Marja.az xəbər verir ki, səhmdarların ümumi yığıncağının gündəliyi aşağıdakılardır.
1. "İstilikenerjitikintiquraşdırma" ASC-nin 2023-cü ilin yekunu üzrə maliyyə hesabatının müzakirəsi, təsdiq edilməsi;
2. Bir qrup səhmdarların "İstilikenerjitikintiquraşdırma" ASC-dən ayrılması, yenidən təşkil edilməsi, yeni hüquqi şəxslərin yaradılması;
3. "İstilikenerjitikintiquraşdırma" ASC-nin nizamnamə kapitalının azaldılması və yeni nizamnamənin təsdiq edilməsi;
4. Hüquqi şəxslərin nizamnamələrinin, bölünmə balanslarının və təhvil aktlarının təsdiq edilməsi;
5. Dəyişikliklərlə əlaqədar sənədlərin hazırlanması, imzalanması və bütün bu işlərlə bağlı səlahiyyətli şəxslərin təyin edilməsi.
Yığıncaq Bakı şəhəri, Nizami rayonu, 8-ci km qəsəbəsi, Babək prospekti 33 ünvanda yerləşən inzibati binada keçiriləcəkdir.
