"AzVirt" şirkətinin tikintidən illik gəliri kəskin artaraq 834 milyon manata yaxınlaşıb

"AzVirt" MMC 2023-cü ili 7 milyon 518 min manat xalis mənfəət ilə başa vurub. Şirkət 2022-ci ili 8 milyon 938 min manat xalis mənfəət ilə bağlamışdı. Beləliklə, "AzVirt" şirkətinin xalis mənfəəti 2023-cü ildə 2022-ci illə müqayisədə 1 milyon 420 min manat və ya 15,9% azalıb.
Marja.az xəbər verir ki, "AzVirt" MMC-nn tikinti işlərindən gəliri 2022-ci ildə 573 milyon 90 min manat ikən, 2023-cü ildə 833 milyon 603 min manata yüksəlib (260 milyon 513 min manat və ya 45,5% artıb).
Gəlirin artmasına baxmayaraq xalis mənfəətin düşməsi tikinti işlərinin maya dəyərininin, inzibati və digər xərclərin artması ilə əlaqədardır. 
"AzVirt" MMC yol və hava limanı infrastruktur layihələri üzrə tam xidmət göstərən beynəlxalq şirkətdir. 
31 dekabr 2023-cü il tarixində "AzVirt" MMC 387 milyon 544 min manat cəmi aktivlərə malik olub.