Naxçıvanda 3 kiçik dövlət müəssisəsi və 8 qeyri-yaşayış sahəsi özəlləşdirilib
Avqustun 27-də Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin tabeliyində "Hərracların Təşkili Mərkəzi" publik hüquqi şəxs tərəfindən növbəti hərrac keçirilib.
Xidmətin yaydığı məlumatda bildirilir ki, Naxçıvan Muxtar Respublikasının Dövlət Şəhərsalma və Arxitektura Komitəsininmüvafiq rayon idarələrinə məxsus əmlakların hərracla satışı zamanı Hərracların Təşkili Mərkəzi tərəfindən şəffaflıqtam təmin olunub, prosesin videoçəkilişi aparılıb.
VTB-də minimal faiz dərəcəsi ilə nağd kredit 10.49%-dən
Sifarişçilərin iştirakı ilə özəlləşdirilməyə çıxarılmış 4 kiçik dövlət müəssisəsindən 3-ü hərrac yolu ilə satılıb. Ordubad şəhərində yerləşən kiçik dövlət müəssisəsinin sifarişçisi olmadığından hərrac baş tutmamış hesab olunub.
Keçirilməsi nəzərdə tutulan müsabiqə və hərraclarla bağlı ətraflı məlumatı Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin və Xidmətin tabeliyində olan "Hərracların Təşkili Mərkəzi" publik hüquqi şəxsin rəsmi internet saytından, sosial şəbəkə hesablarından əldə etmək olar.
Muxtar respublikada 8 qeyri-yaşayış sahəsinin özəlləşdirilməsi ilə bağlı hərrac keçirilib
Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin tabeliyində "Hərracların Təşkili Mərkəzi" publik hüquqi şəxs tərəfindən avqustun 29-da dövlət mülkiyyətində olan qeyri-yaşayış sahələrinin özəlləşdirilməsi ilə bağlı növbəti hərrac keçirilib.
Hərracda muxtar respublikanın Şərur, Ordubad, Babək və Culfa rayonlarından müxtəlif xidmət sahələrinə aid, dövlət mülkiyyətində olan qeyri-yaşayış sahələri satışa çıxarılıb.
Özəlləşdirilməyə çıxarılan 8 qeyri-yaşayış sahəsindən 7-si hərrac yolu ilə satılıb, 1 qeyri-yaşayış sahəsinin hərracı isə sifarişçi olmadığından baş tutmamış hesab olunub.
Qeyd edək ki, maraqlı şəxslər hərraca çıxarılan əmlakların və hərracda iştirakla bağlı tələb olunan sənədlərin tam siyahısı ilə Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin və Xidmətin tabeliyində olan "Hərracların Təşkili Mərkəzi" publik hüquqi şəxsin rəsmi internet saytından, sosial şəbəkə hesablarından tanış ola bilərlər. / marja.az
