İpoteka və Kredit Zəmanət Fondu 144 milyon manatlıq mənzil alır

Azərbaycan Respublikasının İpoteka və Kredit Zəmanət Fondu tender elan edib.
Banker.az xəbər verir ki, tenderdə Satmaq öhdəliyi ilə kirayəyə vermə mexanizmi üzrə yaşayış sahələrinin satın alınması-3 nəzərdə tutulur.
Kredit lazımdır? Sərfəli krediti seçməyə biz sizə kömək edərik
Ehtimal olunan qiymət isə 144.200.000 AZN təşkil edir.
Vətəndaşların tələbatı nəzərə alınaraq yaşayış sahələrinin satınalınması Bakı şəhəri ərazisi üzrə (Azərbaycan Respublikası Nazirlər Kabinetinin 2015-ci il 30 dekabr tarixli 412 nömrəli qərarı ilə təsdiq edilmiş Bakı şəhəri, habelə onun qəsəbə və kəndləri üzrə zonaların sərhədlərinə uyğun olaraq 9-cu və 10-cu zonalar üzrə) həyata keçiriləcəkdir.
Satın alınması nəzərdə tutulan yaşayış sahələri 1, 2, 3 və/ və ya 4 otaqlı olmalıdır.