"Bakı Enerji Quraşdırma" şirkətinin adı dəyişdirilir, rəhbərliyi yenidən formalaşdırılır

25 yanvar 2023-ci il tarixində "Bakı Enerji Quraşdırma" ATSC-nin səhmdarlarının növbədənkənar ümumi yığıncağı keçiriləcəkdir.
Marja xəbər verir ki. yündəliyə aşağıdakı məsələlər daxil edilib:
VTB-də minimal faiz dərəcəsi ilə nağd kredit 10.99%-dən
1. "BAKI ENERJİ QURAŞDIRMA" ATSC-nin adının dəyişdirilməsi və Nizamnaməsinin qüvvədə olan qanunvericiliyiə uyğunlaşdırılması ilə əlaqədar yeni redaksiyada təsdiq edilməsi;
2. İcra orqanının formalaşdırılması və qanuni təmsilçinin seçilməsi;
3. Müşahidə Şurasının yaradılması və tərkibinin təsdiq edilməsi;
4. Təftiş Komissiyasının yaradılması və tərkibinin təsdiq edilməsi;
5. Hesablama Komissiyasının yaradılması və tərkibinin təsdiq edilməsi;
6. Audit Komissiyasının yaradılması və tərkibinin təsdiq edilməsi;
7. Cəmiyyətin fəaliyyəti ilə bağlı digər məsələlər və inzibati işlər Səhmdarların növbədənkənar ümumi yığıncağının gündəliyi üzrə materiallarla ümumi yığıncaq zamanı tanış olmaq mümkündür.
Yığıcağın keçirilməsi Hövsan Mədəniyyət evi – Bakı şəhəri, Suraxanı rayonu, Hövsan qəsəbəsi, C.Xanməmmədov 9 ünvanında, saat 12:00-a təyin edilib.
2001-ci ildə dövlət qeydiyyatına alınmış və 41 min 860 manat nizamnamə kapitalına malik olan "Bakı Enerji Quraşdırma" ATSC-nin qanuni təmsilçisi Muxtar Əliyevdir.  / marja.az