Bakı Ağ Şəhərdə 4 ədəd 20 mərtəbəli yaşayış binasının tikintisinə başlanılır
Bakı Ağ Şəhərdə (Baku White City) daha 4 yaşayış binasının tikintisinə başlanacaq. Marja.az-ın məlumatına görə, yaşayış binaları Mərkəzi Park kvartalında yerləşir.
Belə ki, "Park Çinar" MTK tərəfindən 20 mərtləbli 1 girişli, "Raffle Group" tərəfindən 20 mərtəbəli 2 girişli, "Prestij-V" MTK tərəfindən 20 mərtəbəli 2 girişli və "Golden Rose" tərəfindən 20 mərtəbəli 2 girişli yaşatış binalarının tikintisinə başlanacaq.
Artıq binaların yerləşəcəyi ərazi tikinti işləri üçün hazırlanıb. İnşaat işlərinin 2024-cü ildə başlaması və 2027-ci ildə yekunlaşdırılması planlaşdırılır.
Qeyd edək ki, artıq Bakı Ağ Şəhərdə yeni tikilən binalarda mənzillərin 1 kvadrat metrinin qiyməti 3000 manatdan başlayır, hətta 4000 manatı da keçir.
Əlavə edək ki, Mərkəzi Park kvartalında Bakı Ağ Şəhər biznes mərkəzinin tikintisi başa çatdırılıb. A sinfinə aid Biznes mərkəzində 150 ofislər mövcuddur. 3 m hündürlüyü olan ofislər fərdi soyutma, təbii havalandırma, ümumi istilik sitemi, eyvanlar, 386 yeraltı və 62 yerüstü parkinq yerləri, elektrik avtomobillər üçün yerlər, ödənişsiz veloparkinqlər və digər bu kimi üstünlüklər ilə iş adamlarının xidmətində olacaq.
