Naxçıvanda növbəti hərrac - 12 dövlət əmlakı özəlləşdirildi

İyulun 11-də Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin tabeliyində "Hərracların Təşkili Mərkəzi" publik hüquqi şəxs tərəfindən dövlət əmlakının özəlləşdirilməsi üzrə növbəti hərrac keçirilib.
Xidmətin yaydığı məlumatda bildirilir ki, hərraclar tam şəffaf və rəqabətli mühitdə baş tutub.
VTB-də minimal faiz dərəcəsi ilə nağd kredit 10.49%-dən
Hərracda muxtar respublikanın 7 yaşayış məntəqəsi üzrə müxtəlif xidmət sahələrinə aid dövlət mülkiyyətində olan, ümumilikdə 13 qeyri-yaşayış sahəsi satışa çıxarılıb.
Hərracda 12 dövlət əmlakı özəlləşdirilib, 12 sifarişçi hərracın qalibi olub. "Hərracların Təşkili Mərkəzi" publik hüquqi şəxs tərəfindən 9 iyulda dövlət mülkiyyətində olan 11 avtonəqliyyat vasitəsinin satışı həyata keçirilib.
Qeyd edilib ki, dövlət əmlakının özəlləşdirilməsi ilə bağlı növbəti hərracın 16 və 18 iyul tarixlərində keçirilməsi nəzərdə tutulur. Hərraca muxtar respublikanın 7 bələdiyyəsi üzrə 8 torpaq sahəsinin mülkiyyətə, 2 torpaq sahəsinin icarəyə verilməsi, 6 yaşayış məntəqəsi üzrə dövlət mülkiyyətində olan 13 qeyri-yaşayış sahəsi çıxarılacaq. Ətraflı məlumatı Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin rəsmi saytından əldə etmək olar. / marja.az