Bakı Ağ Şəhərdə daha bir layihə

Bakı Ağ Şəhərdə daha bir yaşayış kompleksi layihəsinin tikintisinə başlanacağı barədə məlumat paylaşılıb.
Marja.az məlumata istinadən xəbər verir ki, yeni layihə "Art Tower" adlanır.
""Art Tower" bizim 20 illik fəaliyyətimizdə növbəti məsul layihəmizdir. Bundan əvvəl uğurla inşa etdiyimiz "Golden Rose Cıdır", "Golden Rose Boutique", "Blue City" lahiyələrimizdə müasir insanın aktiv həyat tərzi üçün ən kiçik detallar və tikinti sektorunda tətbiq edilən dünya təcübəsi nəzərə alınıb",- Layihəni həyata keçirəcək şirkətin məlumatında bildirilir.
Həmçinin məlumatda qeyd edilib: "Hər kəs istəyir ki, onun yaşadığı bina başqlarından öz üslubu ilə seçilsin, daha orijinal olsun: "ART Tower bu orijinallığı sizə təklif edir. Ağ Şəhərdə premium mənzil sahibi olmaq arzunuzu reallaşdırmaq üçün bizimlə əlaqə saxlayın və yeni mənzilinizin üstünlükləri barədə məlumatlı olun".
Açıq mənbələrdə verilən məlumata görə,  "ART Tower Premium Residences" layihəsini həyata keçirəcək şirkət indiyədək Bakı Ağ Şəhərdə "Nobel Tower" və "Barı Tower" binalarını və Xətai rayonunda "Blue Residence" kompleksini inşa edib.
Əlavə edək ki, "Art Tower" layihəsinin adı "Goldenrose" MMC şirkətinin saytında "Layihələrimiz" bölməsində göstərilib.